Dear Duhdawt mi Khuapi le nau pawl,
Nan um nak cio ih nan dam cio ding bei sei nak thawn Christmas cibai ka run lo buk ve.
Canada ka thleng hnu ka hmun tawn mi mal te ka run lo hlawm ve hai ding aw.
Canada cu ni khuat (wheather) lam ah cun mi lai tuar awk thla lo khawp in a dai. Tu hi an thla dang can a thawk rero vang lawng asi lai. Mi zan tla kha ka um nak ih sin motor nahzi 2 zik te maung hranwng cu vur a tla nasa ih lam zin le kiang kap ih thla ih pii 5 asi ti ah thu thang in asim.
An thal can ah cun a dai ciam co lo ih um nuam tawk fang khi asi an ti.
A daih tuk tik ah motor cycyle ti vek tla hi a um lo law law ti ding si ko. A daih ih sap bai ah motor cycle to cun thli a har tuk ih zo hman in an hmang thei lo ti ah canada mi pakhat thu hla ka sut mi pa pakhat in in sim.
Mi pa khat ciar deuh thaw in mah le motor an neih thluh tik ah Bus to hi an mal te. Karual pi pawl lak ah zo hman in bus to dan le paisa pek dan thei an um lo. A mak nasa....
Kan Rualpa Pakhat Steve ti mi cu Toronto khaw pi ih tlang leng (train) manager pakhat a si ih a kut hnuai ah mi nung 200 leng lo hna an tuan. Tlang leng lam a hna tuan thawi peh par aw in thu pa in sim mi mak deuh mai ka ti mi cu, Zarh khat aw mi pa 3 hrawng ih an thin bei dong tuk ih khaw vel ih nun paih nawn lo ah tlang leng cah em em ih a feh lai ah tlang leng zin ah an rak dawp ih tlang leng in a taih parh theh hai theu ati. Mi nung ruang a parh sek sek mi thei fai hi ka hna tuan ah ka paih lo bik mi le ka huat bik mi asi ti ah Steve cun ati. Zarh tin hi thil hi a cang ring ring nan cozah lam pang in ziang hman zang vaih nak a nei lo ih news khal ah an than dah fawn lo. A dan men ih ngai khi asi a ti.
An nun a nuam ih ziang kim an nei an ei an in tik ah thau a awl te. Cu ruang ah exercise tuah an aur zet. An inn ciar ah a set (khawl) an lei lo len Fitness Center ti mi ah paisa pe in an feh theu. Hi mi harh dam nak lam exercise hrang ah hin an pai sa tawk fang nawn cu a feh in an liam kuan cio ti si.
An mi no deuh pawl a hle cu in nu nau pawl hi lam training le music training hi kai teng teng ding ti vek an cing ciam co thlaang e tu lai thang thar pawl hi ti ah nulepa tam pi in in sim.
Kawl ram le Yangon ah cun motor rang a tamnasa an rang cel cel si khaw canada ah cun motor rang hmuh ding a um lo tluk khi asi. Mi duh lo tak si hmang ah kan ram ah an rak maung rero ka ti. he hhe he .....ca poh.
Bawi Jesuh le Christian zum nak ziang hman ih neih lem lo bom paih lo tla an tam zet. An mah cu Christmass phur thei bik pawl ansi sak bai. A san dik tak thei lo in culture ( an nung phung) vek ah an neih men. A pawi tuk lawm mam.
Christmass a san dik tak theih fiang ih sul lam neih zet ih zum tu pawl in kan hman thaim ding hi a thu pi tuk lawm mam aw ka ti.
Hi vial in si hrih seh law.....
Thla cam nak le thang zang peh nak ih in bawm ring ring ruang ah lung awi thu sim phah in,
Za Biak Lal,
Brampton, Canada.
--
"The Scripture is the map of my life"
No comments:
Post a Comment